مدينة الإسكندرية

اسكندرية تاني .. وآه من العشق ياني

والرمل الزعفراني .. عالشط الكهرماني

إسكندرية تاني وآه من العشق ياني

والرمل الزعفراني عالشط الكهرماني

والسحر اللي احتويته والبحر اللي إحتواني

والبحر أبو ألف موجة والموجة بألف حالة

وانا المغرم صبابا .. بإسكندرية يابا

وفكرة كوني أنسى .. في حكم الإستحالة

عشقت بحرك .. وغرقت فيكي

وصبحت عندك في العشق حالة

وسمعت منك وعشقت بيكي

وعجبني قربك على اي حالة

وعاشرت فيكي الخواجة يانَي

إجريجي لكن مصراوي جني

اسكندراني عشق أغاني

جعان يغني .. شبعان يغني

ويبات في حالة ويصبح في حالة

وكونو ينسى دي الإستحالة

ويبات في حالة .. ويصبح في حالة

ويكونو دي الاستحالة

وسمعت صوت النديم نسايم

عالبحر صابحة والبحر هايم

وسمعت سيد بيقول يا مصري

الدنيا صاحية ليه انت نايم

ولما عاند وخاني عصري

لا شك ضهري ولا خد بنصري

بنيت في حضنك عالرملة قصري

وفتحت عالبحر حضن مصري

أدي القضية وأدي الرسالة

وكوني أنسى دي الإستحالة