بحرك يا اسكندرية
رسمت ايدى كلمة حبيبى فوق صخرة فى بحرك يا اسكندراية
والموج يعلى عليها وتفوت عليها سنة ورا سنة وهى لسة زى ما هيا
كان هوايا فى حنينى ليكى اطوى كل البلاد واجيكى
مشتاقة لهواكى ولشمسك ولبحرك دة حبيبى
فى عز الزحمة والنسيان وتعب الهوى والحرمان
اروحلك انتى يا اسكندراية يداوينى بحرك من الاحزان
يهفهف عليا هوى موج البحر بهمس حنينة ليا
وكلام فى الصمت مليان كتير عتاب
يقولى وحشتينى بعدك عنى خلانى اغضب على ناس كتير قلوبها مفيهاش احساس
اميل علية واللمس بايدى مايتة
احس انا بضحكت البحر وقوتة
ابتدى احكيلة انا لية غبت عنة
اللاقية عارف وحاسس كل اللى بيا
هى دى حكيتى مع بحرك يا اسكندراية
دة حبيبى وكل شئ ليا بحرك وبس يا اسكندرية
اخدنى بحرك وندانى فكرنى بيوم ما كنت هنا يوم ما كنت سعيدة يوم ما عشنا حبنا
يا بحر يا دنيتى يا حلمى يا غالى دة يوم ما اجيلك يسرح معاك خيالى
هنا الحب هنا السعادة هنا الخيال هنا الدنيا الجميلة هنا كل اللى كان
بكرة اجيلك يا بحر واحكيلك حكيتى
حكاية بنت حبيت وعشقت للنهاية
ويوم ما جت تقرب خلصت الحكاية
ايام كانت قليلة شافت فيها الهنا جوة عنيها الجميلة حلمت بيوم ما تكون هنا هقولك اية يا بحر حبيبها كان من هنا
RSS
Twitter
Buzz
Facebook
YouTube
البحر دة غنوة من اغانى حياتى بحب اغنيها كل ما اكون سعيدة او حزينة احساس واحد بيربط بينا رغم انة اعمق الا انى شايفة انى اتميز بنفس عمقة .
جوايا احاسيس ومشاعر وهموم واحزان وسعادة انا عميقة باللى جوايا زى البحر اللى بيظهر لينا من برا مياة وموجة تحدفنا على الشط لكن سر البحر فى عمقة فى اسرارة واسرار ناس كتير حاملة لوحدة من غير ما يشكى .
يمكن كبير وواسع زى الدنيا كبيرة وواسعة لكنةلو غدر فغدرة معروف لينا انما الدنيا كبيرة وسهل التوهان فيها
بحب البحر………
المشاركة جميلة يا آية ، وهي بالتأكيد نابعة من محبة وعاشقة للإسكندرية ، أشكرك عليها ، وأتمنى أن أراى المزيد من مساهماتك .